Circuito de verán (LNB)
Acabouse a tempada da liga nacional de billarda 2011-2012, pero seguen os abertos do verán por iso ACD Furabolos en colaboración coa Conferencia Salnés vai celebrar o 1º circuito de abertos deste verán, que serán puntuables para gañar a 1ª chaqueta LNB que se entregará no último aberto alá polo 9 de setembro en Castrofeito, dentro do programa "Xogos Tradicionais en Castrofeito". As datas dos abertos do circuito en principio van ser do seguinte xeito: (aínda que poden ser modificadas segundo a organización xa que hai datas sen confirmar):  o 17 de xuño en Touro (Folk in Río), o 14 ou 21 de xullo na Conferencia Salnés, o 11 de agosto o Fouciño de Ouro en Lardeiros, o 9 de setembro en Castrofeito "Xogos tradicionais en Castrofeito". A forma de xogo: grupos de 8 a tres carreiras, as mellores puntuacións loitarán polos primeiros postos (do 1º ao 8º), as segundas mellores loitarán polo posto 9 ao 16 e así sucesivamente. O primeiro clasificado levará 20 puntos, o segundo 19, o terceiro 18 etc...